Количество просмотров 1364
1 Звезда2 Звезды3 Звезды4 Звезды5 Звезд (1 оценок, среднее: 5,00 из 5)
Загрузка...

Леттеринг

Анемподист Иванович Софронов — Алампа айымньыларыттан:

  • Саргы-дьаалы улааттын,

        Сахалыы саҥа сатараатын,

        Саха омук сайыннын! (“Саха ырыата”)

  • Таптал баай да хоту, аат-сурах да хоту буолбат. Сүрэх сөбүлүүрэ диэн улахан кытаанах суол буолар. (“Таптал”)
  • Үчүгэй куһаҕана суох буолбат, куһаҕан үчүгэйэ суох буолбат, биһиги да алааспытыгар былыт быыһынан күн тыгыаҕа. (“Таптал”)
  • Үөскүүр үтүө дьылбыт

         Үрэллибэт үгүс

         Үөрүүнү үксэттин… (“Саҥа дьыл ырыата”)

  • Көмнөх хаарбыт анныттан

        Көрдөөх-нардаах дьылларбыт,

        Күөрэйэн-тахсан кэлиитигэр

        Күлэн оонньоон көрсүөҕүҥ. (“Саҥа дьыл”)

  • Кэтит дойдуттан

        Кэскиллэ кэтэс,

        Аан дайдыттан

        Айхалла тардыс. (“Таҥхаһыт”)

  • Санааҕын сайыннар,

        Өйгүн үксэт! (“Ини-бии”)

  • Үллэр үйэҥ толору

        Үрдүк тиит саҕа

        Өрөгөй бөҕө үөрдүстүн! (“Айыыһыт алгыһыттан”)

  • Күөх халлаан күөнүгэр

        Күлүмүрдэс күммүт

        Күндээрийэ күөрэйдэ,

        Көҥүл босхо

        Күөгэлдьийэ уһунна. (“Сарсыарда”)

  • Аналлаах суолгуттан арахсыма,

        Туһааннаах суолгуттан туораама. (“Уоллаах киһи кэпсэтиитэ”)

  • Ат тиийэринэн аатыр,

        Суол тиийэринэн сураҕыр. (“Айыыһыт алгыһыттан”)

  • Харалдьыттаабыт

        Хара сир устун

        Хаамыталыыр

        Хайҕалын эриэхсит. (“Ахтабын”)

  • Күндү хонууларым

        Күрдьүгэс отунан көҕөрбүт,

        Алтан отунан анньыллыбыт,

        Ньургуһун отунан тупсубут. (“Аан дойду ахтылҕана”)

  • Саргылаах күммүт

        Саһарҕата сандаарда,

        Сайаҕас сарсыардабыт

        Салаллан сайынна. (“Отчуттар”)

  • Отордоон олорбут

        Оккуодай алааспын

        Ончу умнубаппын. (“Аҕабар”)

  • Хотуурбутун сытыылаан,

        Ходуһаҕа холлойон,

        Хордурҕаччы хоруйан

        Хор-кур хотутуохпут. (“Отчуттар”)

  • Күөх тыабыт

        Муҥутаабыт мутукчалара…

        Сааскы күн саһар

        Саҕарҕатын курдук

        Саһарахтыйа хагдарыйбыттар. (“Күһүөрү сайын”)

  • Саар булгунньах саҕа

        Самныбат саргыны салайдын! (“Аттанар алгыс”)

  • Айыыһыт хатыҥ аҕаскын

        Антах хайыһыннарбат

        Айылгы санаалан. (“Айыыһыт алгыһыттан”)

  • Хатыҥ чараҥнар

        Хампа күөх сэбирдэхтэрэ

        Хаһыҥҥа хаарыттаран

        Хагдарыйан хаалбыттар. (“Күһүөрү сайын”)

  • Имэҥнээхэй тымныыбыт

        Илэ-бодо эргийдэ,

        Ийэлээхэй сирдэрбит

        Ирбэт мууска иҥиннэ. (“Кыһын кэлиитэ”)

  • Кэтит дойдуттан

        Кэскиллэ кэтэс,

        Аан дайдыттан

        Айхалла тардыс. (“Таҥхаһыт”)

  • Кыыдам кымньыы тымныылаах,

        Кырыа муус эҥэрдээх,

        Кыһын обургу

        Кыаһыы көтөн

        Кистии кыҥыһахтаата. (“Кыһын кэлиитэ”)

  • Хараҥа санаа халбарыйдын,

        Харыстаһыы хайыстын! (“Саҥа дьылынан саҥардым”)

  • Смелей, борец, гляди вперед

         Твой путь надеждой озарен. (“Борцу”)