Количество просмотров 213
1 Звезда2 Звезды3 Звезды4 Звезды5 Звезд (Пока оценок нет)
Загрузка...

Далан Тулаайах о5о

Мин ордук В.С.Яковлев-Далан суруйбут  “Тулаайах оҕо”  диэн истоическай хабааннаах былыргы үһүйээннэргэ, кэпсээннэргэ олоҕурбут сэһэни сөбүлүүбүн. Икки сүрүн геройу – Ньырбачааны уонна Даҕанчаны – кыра эрдэхтэриттэн биирин убайа Өрөгөчөй, иккиһин эһэтэ Бакамда иитэллэр. Онон кинилэр манна аҕа оруолун, эбээһинэһин толороллор. Бакамда эрдэ тулаайах хаалбыт сиэнин Даҕанчаны олох кыра эрдэҕиттэн бэйэтин көмүскэнэр, бултуур-алтыыр, күүстээх –уохтаах, хорсун-хоодуот гына иитэр. Өксүөннээх Өлөөн өрүскэ балыктаан, эргэнэ хара тыатыгар куруппааскылаан, куобахтаан бултуурун  саҕалыыр. Сааһын ситэн, кыаҕыран баран лөкөй тайаҕы, улахан тыатааҕыны куттана-толло барбакка бултуур буолбута – бу эһэтин үөрэҕэ таах хаалбатаҕа буолар. Эһэтэ оҕонньор Даҕанчаҕа төрдүн-ууһун кэпсээн, кини аҕатын Үрэн Хоһууну өлөрбүт тоҥ биистэртэн өс-саас ситиһэ айанныыр. Бу аата эһэтэ сиэнигэр туматтар үгэстэрин хааныгар, сүрэҕэр-быарыгар иҥэрбитэ көстөр.

Оттон Ньырбачааны убайа Өрөгөчөй тыыны эрдэргэ, балыктыырга, куска тиргэлииргэ бэрт кыратыттан үөрэппитэ. Онон кини наһаа сытыы-хотуу кыыс буола улааппыта, онтуката инники олоҕун суолун быһаарбыта – өстөөхтөртөн быыһанарыгар көмөлөспүтэ. Хайаларыгар да эр киһи: эһээ, убай оруоллара улахан.

Бу сэһэн геройдара кыргыс үйэтигэр олорон ааспыттара. Онон кинилэр кэмнэрэ төһө да атын ирдэбиллээҕин иһин биир майгынныыр суолу көрүөххэ сөп. Хас биирдии аҕа оҕолорун, сиэннэрин туһугар олоруохтаах, араас сатабыллары үөрэтиэхтээх, арчылыахтаах, холобур буолуохтаах, оҕо сиэрдээх-майгылаах киһи киһитэ буола улаатарыгар кыһаллыахтаах.