1 Звезда2 Звезды3 Звезды4 Звезды5 Звезд (Пока оценок нет)
Загрузка...
331 просмотров

1957

Наһаа атаах этим

Анатолий

Бииргэ төрөөбүт 3-бүт. Эдьиийбиттэн биирин эрэ кытары улааппытым, бу ийэбинэн. Аҕабынан бииргэ төрөөбүттэр үһүөбүт.
Ыал кырата, соҕотох уол буоламмын наһаа атаах этим. Мааны соҕотох сиэн уол этим. Ийэм маҕаһыыҥҥа бырадабыас, кэлин сылларга сэбиэдиссэй буолан араас оонньуур эгэлгэтэ миэхэ баар буолара. Куоракка табаар ыла киирэн баран араас сиэдэрэй оонньууру аҕалар этэ. Уоттаах тимир спортивнай массыына, тимир самолет, күөгүлэнэр тэллэйдэр, пистонунан эстэр тимир пистолет, автомат. Оччолорого тимир саллааттар диэн миэхэ эрэ бааллара. Тимир диафильм көрдөрөр аппараттаах этим. Икки уостаах тимир булт саата оонньуурдаах этим.

   

  Биирдэ ийэм оҕо киирэн олорор, айанныыр, тимир массыына аҕалан дьоллообута. Тимир эрээри алдьанар этэ, ону сосед кыргыттар массыынаны кэнниттэн анньаллар этэ. Мин урууллуу- урууллуу иһигэр олоробун. Эдьиийим сыахайынан оонньуурун өйдүүбүн.
Бастыҥ табаарыстыылар үһүө этибит. Үһүөлэстибит да биирбитин туоратар идэлээх этибит. Миигин хаһан да туораппаттар, тоҕо диэтэр үчүгэй оонньуур барыта миэхэ баар. Доҕотторум элбэх оҕолоох ыал оҕолоро буолан оонньуурдара аҕыйах. Ол иһин миигин төрүт тыыппаттар (күлэр). Арааһы оонньоон биэрэр этибит уолаттар. Кутуйах хороонун хаһан диэн, бензиҥҥа сирэй сиэтэн диэн. Биир атаҕар 6 тарбахтаах уол баара. Харчыга ол тарбаҕын көрдөрөр этэ.Хапыайка биэрэбит, оччоҕо бачыыҥкатын уһулан көрдөрөр, ол 6-с тарбаҕын хамнатар. Дьэ ол аайы биһиги сөҕүү- махтайыы бөҕө буолабыт.
Сайын эһэм аахха сайылыы барар этим. Булууска мас буочукаларга сугун баар буолара. Төһө сииргинэн сиэ дииллэр, киирэн ытыспынан баһа- баһа сиирбин өйдүүбүн. Эһэм ийэм наһаа да маанылыыллар, атаахтаталлар этэ.
Оскуоланы 1975 сыллаахха бүтэрбитим.

Добавить комментарий

Ваш адрес email не будет опубликован. Обязательные поля помечены *